Ես այլևս չեմ լռելու

Սիրելի բարեկամներ, որոշ ուժեր լծվել են իմ անունը սևացնելու գործին: Մի հավատացեք, իմացեք, որ ինձ փորձում են պատժել ճշմարտությունն ասելու, Հայրենիքի, Արցախի և սփյուռքի համար անկեղծորեն անհանգստանալու համար:
Մինչ ՀՀ կառավարությունը ընտրովի պայքարում է կոռուպցիայի դեմ, նրա էժանագին կցուկը՝ ղարաբաղցի գող և Փաշինյանի թեթև ձեռքով արդեն օլիգարխ դարձած Արայիկ Հարությունյանը որոշել է փող աշխատել արցախցիների կյանքի հաշվին:
Նա անընդհատ հանդես է գալիս դատարկ հայտարարություններով, հարյուրավոր վատ զինված կամ «դարն ապրած զենքով» զինված մարդկանց ուղարկում է կռվելու թշնամու՝ մինչև ատամները զինված պրոֆեսիոնալ բանակի դեմ, փող է մուրում սփյուռքից: Ու՞ր են համայն հայության հանգանակած միջոցները:

Վերջին երկու օրերի ընթացքում թշնամին ռմբակոծեց Ստեփանակերտում գտնվող կարևորագույն զինապահեստները: Միայն մեկ պահեստում զոհվեց շուրջ 70 հոգի: Սա սարսափելի ողբերգություն է: Կարծում եք որևէ մեկը հարցնելու՞ է Հարությունյանից, թե իրականում ինչ է այնտեղ տեղի ունեցել: Այս պատերազմը շատ հարմար է բյուջեի միջոցները գողանալու և կոռուպցիայի հետքերը թաքցնելու համար:
Հասկանում եք, զինապահեստների ոչնչացումը ձեռնտու է նրան, դրա համար էլ հրավիրել է լրագրողներին: Սա շատերին է ձեռնտու, բացի շարքային արցախցիներից:
Մինչդեռ, զինվորականները մեքենա չեն գտնում վիրավորներին տեղափոխելու համար… Իր ուղերձում Հարությունյանը կոչ է անում միջոցներ հատկացնել ավերակների վերականգնման համար: Միթե հիմա դրա ժամանակն է: Ռուբեն Վարդանյանը ճիշտ էր ասում՝ աղետը մոտենում է և ոմանք շտապում են լցնել սեփական գրպանները և փախչել արտասահման: